【On.cc】黃翠如被誤會有喜　洪永城：都叫咗佢做運動

藝人洪永城、孫慧雪、蘇皓兒及黃俊豪晚上（11日）出席活動，分享如何消脂保持美好身形。洪永城坦言見太太梁諾妍一直努力維持完美體態，讓他也要想辦法消脂，他笑謂：「我每一日望住佢，我就覺得好羞恥！」他以「戰爭時候嘅最好夥伴，永遠唔會離開你」，來形容中年男士的頑固脂肪，笑指男士其實也如女士一樣，減肥將是終身事業。

黃翠如被誤會有喜。

談到老友黃翠如被網民發現有肚腩，更懷疑她再度有喜，洪永城説：「都叫咗佢做吓運動啦，佢話AI可以搞掂（執相），叫佢做幾下掌上壓都做唔到。」他表示有叫對方一起打匹克球，但對方要照顧小朋友而未有時間。提到見他帶兩位女兒到壁球場跑步，他表示女兒擁有媽媽基因，最愛跑步：「我問過阿女最中意做咩？佢哋話Run！問佢咩原因？No need！（你湊女放電都攰到瘦晒？）攰都好值得嘅，唔知陪到佢哋幾多個暑假，已經倒數緊。」

另談到高海寧早前於節目上被爆有洪永城充當媒人介紹對象，結果卻慘被「彈鐘」，洪永城笑言曾介紹過幾位男生給對方，但對方應該因工作忙碌而未有時間進一步認識，追問他究竟介紹了什麼男生，讓高海寧要無奈「彈鐘」？他笑謂：「唔係彈鐘，都要好多方面磨合，要夾下有冇共同嗜好之類。（有冇見過面先？）未見過，哈哈！我都要檢討下自己個倉庫先，高海寧我都會Keep住幫你物色！」他覺得並非高海寧眼角高，但認為也需要先合眼緣。

洪永城曾叫黃翠如做運動。

孫慧雪和蘇皓兒派心。

洪永城黄翠如