【娛樂新聞】冼靖峰相隔兩年出新歌《由天台記載》 邀Skylar盧映彤任MV女主角：佢令我一秒入戲.冼靖峰（Archie）事隔兩年推出新歌《由天台記載》，邀請到《魔音女團》成員Skylar盧映彤擔任MV女主角。兩人接受訪問時互笠高帽，Archie更大爆對方令自己一秒入戲，演繹「朋友以上，戀人未滿」嘅狀態。Skylar透露今次係自己第一次拍MV兼做女主角，緊張到前一晚幾乎冇瞓，好在拍攝如期完成，證明導演滿意佢嘅演繹。

新歌靈感來自電影《心動》，由林若寧填詞寫出「朋友以上，戀人未滿」嘅遺憾。監製舒文嘅指導令Archie搵到最純粹嘅聲線去演繹，頭2、3個鐘都喺度雕琢點樣唱好頭兩句。Archie直言每個人都會有遺憾，可能係來不及講嘅說話、生活嘅壓力，或者冇行近多一步。佢仲分享16歲初戀嘅經歷，話初戀女友教佢「跌落地下打爛咗嘅紅酒杯就算黐返好都好，都仍然係有裂痕有傷疤」，呢句說話佢由16歲記到依家，經歷過先會明白。Skylar就話兩人喺《魔音女團》節目時已認識，所以拍攝冇乜尷尬感覺，仲話Archie個眼神有戲，令佢Feel到。TVB