【娛樂新聞】《一周星星》周星馳激罕受訪 劉嘉玲化身「最強助攻」逼問：點解唔再做幕前？.TVB娛樂訪談節目《一周星星》本周日（16日）晚10點35分翡翠台播映，今集迎來重量級嘉賓——喜劇電影《功夫女足》導演兼編劇周星馳（星爺）率領劉嘉玲、聯合導演林子聰、演員蔡思貝及張繼聰接受訪問。「喜劇之王」星爺近年鮮有接受傳媒專訪，今次破格亮相《一周星星》，全因與主持黎芷珊識於微時。芷珊與星爺的緣份始於經典兒童節目《430穿梭機》，她憶起初相識時星爺「怪怪地」，更自爆曾是他的「笑點測試員」：「佢會成日喺你身上嘗試佢嘅天馬行空，諗到咩嘢會講畀你聽，睇吓你笑唔笑。」

相隔13年再度訪問星爺，芷珊坦言最初有壓力，擔心對方「一句起兩句止」，但見面後即時放下心頭大石：「見到老朋友嘅感覺。」更透露星爺每次見面第一句必問：「點解你個樣冇變過嘅？」今集最大亮點是劉嘉玲化身「最強助攻」，每當星爺想避開話題，嘉玲便會繼續追問，包括逼問「點解而家唔再做幕前」，場面有趣。節目中星爺更答應了一個創舉，觀眾密切鎖定今集《一周星星》。TVB