巴拿馬頭兩場分組賽輸曬，兩屆世界盃歷程參與過嘅5場比賽依然未能夠打開勝利之門。不過今仗佢哋嘅求勝慾望，還有球員嘅鬥心都值得給予掌聲👏

巴拿馬同克羅地亞都比較偏向挨著右路進攻（右邊強過左邊），上半場荷西洛迪古斯（José Luis Rodríguez）嘅頭槌就幾乎打開紀錄，可惜被利華高域（Dominik Livaković）托走兼中楣彈出。梅里路（Amir Murillo）同馬天尼斯（Cristian Martínez）嘅側擊威脅令克羅地亞左路壓力巨大，後者嘅奔跑能力、速度以及處理球都有別於（好過）好多中北美地區嘅球員。

克羅地亞領隊達歷嘅變動做得比較及時，下半場即大膽抽走攻擊力更強嘅加華迪奧爾（Josko Gvardiol）將老將佩列錫（Ivan Perišić）再度押後一點踢左閘應對對方右路施襲。而後備入替嘅畢迪美亞（Ante Budimir）又「交到貨」，令成件事變得水到渠成。「格仔軍」贏低呢個重要嘅三分，晉級形勢瞬間扭轉，相反輸波嘅巴拿馬就提前一輪出局。

賽後，克羅地亞官員特意為摩特歷（Luka Modrić）送上200場國家隊出戰紀念衫，成個儀式暖心動人，而呢屆賽事無論成功與否都將肯定係呢位年屆四十嘅中場球員世界盃「最後一舞」。

世界盃分組賽賽事賽果-Group L英格蘭🏴󠁧󠁢󠁥󠁮󠁧󠁿0-0🇬🇭加納巴拿馬🇵🇦0-1🇭🇷克羅地亞

FIFA World Cup 2026 🇺🇸🇨🇦🇲🇽世界杯世界盃分組賽克罗地亚球迷俱乐部