【On.cc】鍾嘉欣等13年終邀得張栢芝　合唱《任何天氣》有私心

藝人鍾嘉欣（Linda）近年相繼於內地不同地方開演唱會，前晚她於佛山開「Remember記得・鍾嘉欣演唱會」生日限定場，雖然Linda並非首次在佛山開騷，但反應依然熱爆，全場座無虛席。作為生日限定場，除了特別設置延伸舞台，與觀眾近距離互動外，今次她更驚喜邀請了張栢芝擔任嘉賓，栢芝一出場引起全場尖叫，二人合唱《任何天氣》時更掀起全晚高潮。

鍾嘉欣佛山舉行生日限定場。

勁歌熱舞。

聽出耳油。

鍾嘉欣透露今次作為2026年演唱會頭炮，更揀選了佛山舉行，全因她喜歡這個地方：「上年第一次開演唱會喺佛山，反應好好，所以今年都揀呢個地方作起點，今次呢個場館有7000人，第一次挑戰咁多觀眾，事前已經好期待，加上佛山呢個地方好有人情味、生活節奏又舒服，仲有好多美食，雙皮奶真係好好食。」

為了帶給佛山觀眾驚喜，鍾嘉欣在服裝上亦與之前作更改，令粉絲有煥然一新的感覺。而歌單亦新增了6首新歌，特別加插一節勁歌熱舞，發放正能量。不過論到全晚最意想不到的，莫過於重量級嘉賓張栢芝登場，鍾嘉欣說：「我2013年喺香港開演唱會時已經想邀請栢芝做嘉賓，不過嗰陣佢檔期唔得，我一直都想再邀請佢，今年再嘗試搵佢，佢真係好Sweet，一口就答應，仲話只要佢個期得，啲工作調前調後，佢都會100%支持，我聽到佢咁講，覺得好感動同窩心。」

鍾嘉欣終於邀請到栢芝做嘉賓。

肉緊抱到實。

相當開心。

鍾嘉欣表示合唱《任何天氣》是有私心。

手拖手。

栢芝上台時，鍾嘉欣已經想喊，栢芝謂:「我同嘉欣私底下好多年已經認識，我知道呢個女仔好需要被保護，佢係好純、好Pure嘅女仔，今日嘅佢亦都係一樣，但係佢有一股好大嘅力量保守住啲小朋友，所以我見到今日嘅佢好開心。」而鍾嘉欣亦表示入行初透過朋友認識對方，栢芝是她心中一位大姐姐，好有愛、好願意幫人，她說：「以前當我遇到難題時，我會請教佢，佢都會畀意見我，今時今日再見，呢個大姐姐嘅感覺，仲加咗一種好媽媽嘅親切，作為一個媽媽，佢係我學習對象。」二人於台上合唱了兩首歌曲《目的地》和《任何天氣》，鍾嘉欣說：「《任何天氣》係我有私心，我希望栢芝可以唱呢首歌畀我聽，因為呢首歌內裏歌詞好有正能量。」

問到剛於本月9日生日的鍾嘉欣如何慶祝時，她表示：「生日只是在香港簡簡單單咁過，好多朋友約我慶祝，但因為今次個唱關係，自己想閉關練舞同練歌，唔想食咁多蛋糕，因為要Keep Fit。」