藝人曾展望、葉蒨文、張寶兒、朱凱婷、音樂人張佳添等在將軍澳電視城出席節目《退休有乜計》。葉蒨文希望退休後學潛水，喜歡下廚的曾展望則希望修讀藍帶廚師課程，又趁機展示手臂上「愛的印記」自言為女友下廚時燙傷，葉蒨文則稱每日有為男友塗除疤膏除疤呵番。講到無綫有意「統一管理」藝人社交網帳號，曾展望說：「有聽聞過，但冇傾過，自己覺得萬大事都有商量。想了解下點解想做呢件事，兩害取其輕，睇吓邊樣好處多啲，就大家一切去達成。」對於被接管帳號，引發私隱問題？葉蒨文則說：「未有人搵我傾，自己就唔驚，事無不可對人言，自己都冇乜私隱可言。」講到投資理財，他們指會分開儲錢，葉蒨文說：「以前收入唔多，都冇財可以理，近呢幾年就好啲，都有興趣上堂學理財。」
